Klubet po përgatiten për merkato pasi fundi i sezonit po afron. Interi ndodhet vetëm 1 hap larg Ligës së Kampionëve por duket se do të zgjidh përfundimisht çështjen Icardi. Nga ana tjetër edhe Juventus pritet të kryejë një mini-revolucion në ekip pas eliminimit nga Liga e Kampionëve.
“Corriere dello Sport” dhe “Tuttosport” raportojnë ditën e sotme se klubet po përgatiten për një shkëmbim të bujshëm, Dybala në Milano dhe Icardi në Torino. Një zgjidhje që duket se do t’i kënaqte të dy lojtarët, kjo edhe për shkak se kanë probleme me klubet e tyre, Icardi për shkak të heqjes së shiritit dhe Dybala për shkak të aktivizimit të pakët.
