Pritje madhështore në Zagreb, kroatët e kanë fituar Botërorin e tyre (Video)

Kroacia ishte “përralla” më e bukur e Botërorit të Rusisë, pavarësisht se në finale u mposht nga Franca me një rezultat 4-2. Kroatët me atë që dhanë në fushën e blertë fituan zemrën e tifozëve në gjithë botën dhe në gjithë sondazhet ata ishin të preferuarit për të ngritur trofeun.E gjitha kjo pasi ata po shkruanin historinë e vendit të tyre duke shkuar për herë të parë në finale, por edhe për shpirtin luftarak që treguan dhe ndeshjet dramatike me 120’ minuta. Ditën e sotme kombëtarja kroate është kthyer në Zagreb dhe pritja ka qenë madhështore.Qindra mijëra qytetarët i kanë mbushur rrugët dhe sheshin kryesor në Zagreb për ta pritur ekipin e tyre kombëtar. Kombëtarja kroate u largua nga Rusia të hënën të shoqëruar nga dy aeroplanë ushtarakë të Forcës Ajrore të Kroacisë, pas një Kupë Bote historike.

Edhe pse Kroacia përfundoi e dyta në Kupën e Botës, ky sukses është duke u përshkruar si më i madhi në historinë e sportit kroat.