Pritet të jetë gati në vjeshtë, ja cilat do jenë risitë e sistemit operativ “iOS 14” të Apple

Kompania Apple pritet të nxjerrë shumë shpejt në treg sistemin më të ri operativ, IOS 14. Ja cilat do jenë disa nga risitë që mund të presim nga sistemi më i fundit, i cili pritet të jetë i disponueshëm në fillim të vjeshtës:

1. Më në fund, pas 13 vitesh që nga lançimi i IOS, thirrjet hyrëse nuk do të zënë më të gjithë ekranin. Thirrjet hyrëse do të shfaqen lart dhe mund të përgjigjeni nga aty. Nëse e ulni poshtë, thirrja do të zërë sërish gjithë ekranin, ndërsa nëse tërhiqni lart telefonata mbyllet.
2. Opsioni i mësipërm vlen edhe për thirrjet me video.
3. Avantazhi tjetër është që mund ta zvogëloni pjesën e “FaceTime” dhe ta lini në madhësinë që dëshironi. Kështu mund të vijoni të përdorni telefonin normalisht gjatë bisedës me video.
4. Bisedat me video “FaceTime” do të jenë në cilësinë 1080p.
5. Një tjetër risi lidhet me pjesën e “FaceTime” sërish. Tani në bisedat me video që do të bëni, ju do të keni kontakt sy më sy me personin që ndodhet në anën tjetër të telefonatës. Pra sytë nuk do duken më sikur po shikojnë poshtë tek kamera, por do jenë drejtë duke dhënë ndjesinë që po ju shohin drejtpërdrejtë.
6. Mund ta rregulloni cilësinë me të cilën do filmoni që nga kamera, pa pasur nevojë për të shkuar tek opsioni “settings”.
7. Nëse ju po përdorni mikrofonin apo kameran, një dritë jeshile do të ndizet në pjesën lart afër kamerës ballore për t’ju sinjalizuar.
8. Ju do të keni mundësinë të kaloni apo vendosni “Widgets” në ‘Homescreen’.
9. Ju mund të fshihni disa prej faqeve të “Homescreen-eve” që keni përzgjedhur dhe mund t’i ktheni sërish kur të dëshironi.
10. Shtohet opsioni “App Library” – këtu do t’i gjeni të gjitha aplikacionet që keni në telefon, të renditura alfabetikisht.
11. Pin Message – Nëse keni një person me të cilin bisedoni shpesh me mesazhe në telefon, atëherë mund ta veçoni lart duke i bërë “Pin”, që ta keni më të lehtë. Ju mund të bëni deri në 9 kontakte “Pin”.
12. Bisedat me mesazhe në grupe – p.sh. nëse bëni @albani në një mesazh që po dërgoni në grup, personit në fjalë do t’i shkojë si njoftim që ju e keni përmendur. Njëlloj si në mesazhet në grupe në Whatsapp.
13. Mesazhet në grupe – mund t’i përgjigjeni specifikisht një personi dhe mesazhet do të shfaqen si “Reply”.
14. Aplikacion i ri “Translate” – Si fillim do të punojë në 11 gjuhët më të njohura dhe do të jetë si një “Google Translate” në telefonat Apple.

Ndiqni videon më poshtë për më shumë risi që pritet të sjellë lançimi i “iOS 14”: