Një konflikt i ri do të lindë në rajon, shkruajnë mediat ruse. Sipas tyre Kosova do të hyjë në luftë me Malin e Zi, përsa i përket çështjes së demarkacionit. Ndër të tjera sipas portalit rus sputniknews.com, do të përfshihet edhe Shqipëria. Kjo është një analizë e bëra Vojin Grubaç.
Duke iu referuar deklaratës së kryeministrit të Kosovës, Ramush Haradinaj, portali rus shkruan se ai ka thënë se marrëveshja për demarkacionin me Malin e Zi nuk do të kalojë në Parlament, ndërsa opozita zyrtare “Vetëvendosje” dhe Albin Kurti shkoi edhe më tej, duke kërcënuar per luftë Malin e Zi për shkak të mosmarrëveshjes për kufirin.
“Marrëveshja do të jete në parlament. Kjo hap rrugën për negociata të reja me Malin e Zi ose kalimin ne arbitrazhin ndërkombëtar”, tha Haradinaj për “Klan Kosova”.
Zyrtari i Vetëvendosjes, Albin Kurti, tha: “Unë personalisht jam kundër luftës me Malin e Zi, por luftërat fillojnë atje ku ka një problem kufijsh” tha Kurti, njoftoi media në Prishtinë.
Sputnik, citon ekspertin ushtarak Vojin Grubaç nga Podgorica, i cili thotë se Kosova do ketë mbështetjen e Shqipërisë në këtë konflikt të ri.
Sipas tij, NATO do të mbyllë sytë gjatë këtij konflikti dhe nuk do të ndërhyjë. Madje ai shkon edhe me tej ne aludime, teksa thotë se në fund të kësaj përplasje, Mali i Zi do të humbasë shumë territore, të cilat do t’iu kalojnë shqiptarëve. TIRANA TODAY
