“Prishtinën apo Londrën?”, është kjo një nga pyetjet më të vështira që i është bërë këngëtares me famë botërore, Dua Lipa.
Kjo e fundit, në një intervistë për CNN është dashur të zgjedhë mes vendlindjes dhe qytetit ku u rrit dhe që i hapi rrugë për karrierën e saj.
Pasi është menduar paksa, Dua ka zgjedhur Prishtinën, duke qenë se është qyteti ku ajo ka lindur.
“Do të them Prishtina, duke qenë se është vendlindja ime”, thotë Lipa.
Po ashtu, Dua ka folur dhe për kohën kur iu desh të largohej nga Kosova, Dua tregoi se familja e saj në atë kohë ka përjetuar shumë vështirësi.
“Askush nuk e lë vendlindjen me dëshirë. Unë e di se çfarë do të thotë pasi e kam përjetuar duke ardhur në Britani të Madhe. Kam qenë me fat që kam ardhur në Londër dhe kam realizuar dëshirat e mia. Unë e di që ka shumë fëmijë që e përjetojnë këtë ndjenjë”, u shpreh këngëtarja me origjinë shqiptare.
Dua, e cila është dhe me nënshtetësi britanike tregoi se dalja e Britanisë nga Evropa, apo siç njihet ndryshe Brex-it, është një ide jo e mirë.
“Janë njerëzit ata që do t’i vuajnë pasojat dhe ndoshta shumë do të largohen, por çfarëdo që të ndodhë, do ta gjejmë një rrugëzgjidhje. Më të mirën e mundshme për të gjithë”, shtoi këngëtarja e famshme.
