Banorët në Jalë kanë kundërshtuar aksionin e Inspektoratit të Mbrojtjes së Territorit. Banorët në një zë thonë se nuk janë lajmëruar për aksionin, dhe se i kanë godinat me pushues.
Mjetet e rënda i janë drejtuar 7 godinave të planifikuara për shembje, por inspektorët u ndeshën në kundërshtinë e banorëve të tensionuar.
Mësohet se ka pasur edhe përplasje mes pronarëve dhe forcave të shumta të policisë, që ndodhen në vendin e ngjarjes.
https://tiranatoday.com/ikmt-nis-aksionin-per-shembjen-e-ndertesave-ne-jale-banoret-dhomat-jane-me-pushues/
Banorët thonë se nuk janë paralajmëruar për nisjen e shembjeve sot, dhe se dhomat e dhënë me qira i kanë ende me pushues.
“I kemi bërë me gjak”.
” Asnjë lloj dokumentacioni, këta janë të gjithë kriminelë nga i pari tek i fundit (u drejtohet policëve)”.
“Nuk mund ta marrë Edi Rama pronën tonë”.
Në zonë kanë zbarkuar forca të shumta të policisë vendore të Vlorës, RENEA dhe FNSH. Banorët vijojnë rezistencën dhe herë pas here janë përplasur me policinë.
Aksioni i IKMT-së për momentin ka mbetur pezull.
