Nëna dhe babai i Aleksit pesëvjeçar, janë kërcënuar se do të dëbohen nga territori francez. Drejtësia duhet të vendosë për rastin e tyre. Prindërit e nxënësve të shkollës Sermet në Toulouse po mobilizohen sërish, shkruan Tirana Today. 
Në tetor 2017, prindërit dhe nxënësit e shkollës Sermet, në Tuluzë, ishin mobilizuar kundër dëbimit të Elvirës, nënës së Aleksit, 5 vjeçar. Familjes shqiptare u ishte thënë që duhet të linte territorin francez. Por që në atë kohë prindërit e vogëlushit janë përpjekur që të punojnë dhe të procedojnë duke ndjekur hapat për të mos u larguar.
Kështu prindërit e fëmijëve në shkollën ku shkon vogëlushi shqiptar edhe një herë kanë vendosur të mobilizohen për t’i dalë në mbrojtje familjes shqiptare.
Historia e familjes Aleks është e zakonshme me atë të mijëra familjeve të tjera nga Shqipëria. Aleksi ishte vetëm disa muajsh, kur familja e tij iku nga Shqipëria dhe mbërriti në Francë në vitin 2013. Ajo u largua nga një vend i rrënuar nga varfëria dhe dhuna. Çifti kërkoi azil, por atyre iu është mohuar.
Në tetor 2017, ndërsa nëna kërkon rregullimin për të punuar ligjërisht, ajo merr disa ditë më vonë një kërkesë për dëbim nga OQTF. Ajo e kundërshton atë: drejtësia duhet të vendosë për këtë. Disa ditë më parë, babai i vogëlushit ndiqej nga policia. Ai është tashmë në paraburgim. Gjykata Administrative e Tuluzës do vendosë sot për rastin në fjalë.
Në një deklaratë, prindërit e nxënësve në shkollën Sermet ku fëmija i vogël shqiptar shkon janë shprehur:
“Pra, pyesim veten se çfarë do të ndodhë me këtë familje që përpiqet të ri-krijojë jetën? Një baba larg familjes së tij? Një fëmijë i privuar nga prindërit e tij? Aleks është lënë larg nga miqtë e tij, shkollimin i tij dhe e ardhmja e tij.” TIRANA TODAY
