Tek Kukësi sot filloi një epokë e re. Presidenti Gjici ka prezantuar trajnerin e ri austriak, Peter Pacult para stafit të FK Kukësit. Në fjalët e tij Gjici ka vlerësuar eksperiencën e gjatë të trajnerit të ri me klubet e mëdha europiane. Të pranishëm kanë qenë drejtori teknik Nderim Nexhipi dhe u konfirmua si ndihmës trajnerë Rraman Hallaçi. Nexhipi si një njohës i mirë i Kategorisë Superiore, por dhe i ekipit të Kukësit, premtoi afrimin e lojtarëve cilësor, si dhe dha garanci për përmbushjen e objektivave.
Të gjithë sëbashku i dolën garant Pacult se do të punonin fort për të arritur objektivat e vendosura. Faza përgatitore Kukësi do ta zhvillojë në Antalia nga data 4 janar deri në 16 janar. Me ekipin do të bashkohet edhe mesfushori i Skënderbeut, Donjet Shkodra.
“Jemi në vendin e 4-t dhe na duhen 2 lojtarë për të përforcuar skuadrën, shpresoj të jemi të suksesshëm. Do punoj për të mbrojtur titullin, do njihemi me ekipin në fazën përgatitore. Kam punuar me Salihin dhe kam ardhur shpesh në Shqipëri për të ndjekur lojtarë. Kërkoj futboll ofensiv dhe shpresoj që lojtarët të përshtaten sa më shpejt me idetë e mia të lojës”, u shpreh trajneri i ri i kampionëve.
