Shtypi italian nuk e ka falur ish-trajnerin e Shqipërisë, Christian Panucci, duke sjellë në vëmendje një deklaratë të tij para ndeshjeve kualifikuese të Euro 2020.
Në një nga rubrikat e “Gazzetta dello Sport”, shkruhet se Panucci ishte shumë optimist para ndeshjes së parë me Turqinë, por në fakt erdhi shkarkimi menjëherë. “Aventura është e bukur, sepse të drejtosh një ekip kombëtar është diçka shumë e rëndësishme gjithmonë. Fillojmë ndeshjet kualifikuese me entuziazmin e duhur për të arritur objektivin tonë.
Ëndrra ime për të ardhmen? Jam shumë i lumtur në Shqipëri. Kam punuar shumë që të përmirësohem si trajner dhe tani dua t’i jetoj në maksimum këto eliminatore”,–kishte deklaruar trajneri Panuçi, por gjërat shkuan keq dhe ai u shkarkua pas humbjes 0-2 me Turqinë.
