Kryeministri britanik ka shprehur shqetësimin se Ukrainës mund t’i bëhet presion për një marrëveshje paqeje me Rusinë, që nuk është në interesin e saj.
Pasojat ekonomike të luftës në pjesën tjetër të Evropës, kanë çuar në frikën se mbështetja për Ukrainën mund të ftohet mes krizës së kostos së jetesës.
Duke folur më herët me redaktorin politik të Sky, Beth Rigby, Boris Johnson tha: “Shumë vende po thonë se kjo është një luftë evropiane që është e panevojshme… dhe kështu presioni do të rritet për të inkurajuar – shtrënguar, ndoshta – ukrainasit për një paqe të keqe”.
Ai shtoi se pasojat e lejimit të presidentit rus Vladimir Putin që të ketë rrugën e tij me Ukrainën, do të ishte e rrezikshme për sigurinë ndërkombëtare dhe një “katastrofë ekonomike afatgjatë”.
Mbretëria e Bashkuar ka qenë një nga mbështetësit më të fortë të Ukrainës gjatë konfliktit, dhe z. Johnson është një figurë e njohur atje – pavarësisht nga një marrëdhënie më e vështirë me publikun në vend.
Burimi i lajmit: skynews. Përshtatur nga Tirana Today
