Presidenti Ilir Meta, në një konferencë për shtyp të martën, i kujtoi ministrit të Jashtëm Ditmir Bushati, Kryeministrit Edi Rama dhe të gjitha institucioneve se vendimi i Gjykatës Kushtetuese pas marrëveshjes së vitit 2009, është vija e kuqe e detyrueshme për t’u zbatuar në negociatat me Greqinë për detin. I pyetur nëse është “pengesë” e takimin mes kryeministrit Edi Rama dhe kryeministri Aleksis Tsipras , të cilët do të autorizojnë fazën finale të negociatave për çështjet e pazgjidhura mes Greqisë dhe Shqipërisë, Meta është shprehur:
“Më lejoni të shpreh konsideratën më të lartë për kryeministrin Tsipras, për konstruktivitetin e tij, edhe në situatat me të nxehta dhe në retorikat më populiste mes dy vendeve. Me këtë konsiderata i lejoj të ketë sukses me negociatat me tij me Ramën në Korçë, kur të vijë. Agjenda e cilitdo nuk mund të më detyrojë mua që të mos përmbys, parimet dhe zbatimin e Kushtetutës. Qeveria ka të drejtën e saj që të bëjë të gjitha marrëveshjet, të japë kompetencat e saj sipas Kushtetutës me qeverinë e Greqisë dhe me të tjerat, por në këtë çështje ua bëra të qartë se kush ka qenë qëndrimi i Presidentit të Republikës. Nuk kemi asnjë informacion zyrtar nga Ministria për Punët e Jashtme, dhe se nuk ka asnjë informacion për marrëveshjet dhe bisedimet që ka bëtë me ministrinë e jashtme Greke. Bashkëpunimi me ministrin Bushati, do të jetë zyrtar. Edhe sot e kësaj dite nuk ka asnjë informacion. Unë jam i duruar. Unë mund të përgjigjem vetëm për sjelljet dhe detyrimet e mia Kushtetuese dhe institucionale”, tha Meta.
