Presidenti i SHBA-ve, Donald Trump është serish në telashe për sa i përket problemeve ekonomike. Këtë here nuk bëhet fjalë për pasurinë personale por atë kombëtarë. Trump i është larguar një nga këshilltarët më të mirë. Gary Cohn, pritet të largohet javën e ardhshme. Cohn pati një konflikt me presidentin Trump, në lidhje me tarifat e importit të çelikut dhe aluminit.
Kujtojmë se vetëm një ditë më parë stafi i organizatës Trump është dëbuar nga “Hotel Trump International” në Panama. Organizata Trump menaxhon hotelin në kullën 70-katëshe me pamje nga Gadishulli “Punta Pacifica” dhe pronari i ri i shumicës kishte shkuar në gjykatë në SHBA dhe Panama për të dëbuar kompaninë e drejtuar nga djemtë e presidentit Trump.
Sipas ” The New York Times” Cohn është i fundit pjesëtar i profilit të lartë të skuadrës Trump, që jep dorëheqjen, pas një serie largimesh të këshilltarëve të tjerë. Donald Trump në një deklaratë, ka falënderuar Cohnin për shërbimin e tij dedikuar SHBA-ve. Ai tha se “Gary ka qenë këshilltari im kryesor ekonomik dhe ka bërë një punë të mrekullueshme.
Akoma nuk dihet se kush do të jetë drejtori i ri i Këshillit Kombëtar Ekonomik të Shtëpisë së Bardhë”. Sipas mediave Gary Cohn punoi në fshehtësi për të bindur Trump të tërhiqej nga vendimi për tarifat. Trump kuptoi gjithçka se çfarë po bënte këshilltari i tij dhe ky ishte shkaku i konfliktit mes tyre.
