Presidenti Kosovës, Hashim Thaçi ka vendosur që ta shpërndajë Kuvendin e Kosovës pas mocionit për rrëzimin e qeverisë. Thaçi e ka bërë shpërndarjen e Kuvendit, përmes dekretit, në të cilin thuhet se hyn në fuqi që nga data e nënshkrimit.
Ajo që është më se e sigurt është se do të ketë zgjedhje të parakohshme, dhe që duhet të mbahen jo më afër se 30 ditë dhe jo më larg se 45 ditë nga shpërndarja e Kuvendit.
Vlen të theksohet se disa orë më parë me 78 vota pro, 34 kundër si dhe 3 abstenime, është votuar pro mocionit të Nismës për Kosovën dhe mbështetur nga partitë tjera opozitare, duke sjellë si rezultat marrjen e mandatit të Qeverisë së Kosovës që deri në këtë moment është udhëhequr nga Isa Mustafa.
