“Serbët dhe shqiptarët mund të bëjnë një tjetër gabim si dy vendet më të mëdha në Ballkan nëse nuk arrijnë të gjejnë një zgjidhje për çështjen e Kosovës”, u shpreh Presidenti serb Aleksandar Vuçiç në një intervistë për të përditshmen e Vjenës Kronen Zeitung, duke vënë në dukje se gjetja e një zgjidhjeje kërkon “kompromise dhe konsensus”.
“Tani ne po bëjmë detyren që na takon. Problemi më i madh është, sigurisht, zgjidhja për çështjen e Kosovës. Për këtë arsye filloi një dialog mes nesh dhe ne duhet të gjejmë një kompromis, ku shqiptarët dhe Serbët do të duhet të bëjnë lëshime. Nëse nuk kemi sukses në këtë, ne do të kemi më shumë gabime në historinë e dy vendeve më të mëdha në Ballkan,” tha ai.
Vuçiç shtoi se ai u takua disa herë me përfaqësuesit e shqiptarëve të Kosovës, dhe kur u pyetën nëse ka pasur ndonjë përparim, tha se po zhvilloheshin bisedimet dhe theksoi se në pesë vitet e fundit nuk kishte “konflikte të motivuara etnikisht.
“Pas vrasjes së fundit të një serbi në Kosovë, menjëherë kemi kontaktuar, për të shmangur konfliktet. Isha në Kosovë për t’i qetësuar serbët”, shtoi ai.
Vuçiç në të njëjtën kohë kishte një mesazh për shqiptarët, duke thënë se Serbia nuk do ta njohë pavarësinë e Kosovës.
“Pa Serbinë nuk ka anëtarësim në OKB, pa Serbinë nuk ka anëtarësi në Intrpol, pa Serbi nuk ka vizita shtetërore në Kinë”, theksoi Vuçiç.
Ai tha se “të gjitha kartat janë në tavolinë” dhe se nëse ka “dhënie dhe marrje në bazë të një parimi të drejtë”, mund të ketë një zgjidhje.
“Dhe pastaj për të gjitha dyert e Evropës do të hapen për Serbinë. Natyrisht, ne duhet të përmirësojmë sundimin e ligjit, por në anën tjetër, ne i nënshtrojmë financat tona”, tha Presidenti. TIRANA TODAY
