Me sa duket presidentit Nishani iu sos durimi me Visar Zhitin. Pas akuzave të ndërsjella për përfshirje në ish-strukturat e Sigurimit të Shtetit, në media, mes Nishanit dhe diplomatit të ngarkuar me punë në Vatikan, Visar Zhiti, përplasja mes tyre përfundon në Gjykatën e Tiranës.
Nishani kërkon nga Gjykata e Tiranës që të dënojë Zhitin me akuzën e shkaktimit të dënimit ndaj figurës së presidentit dhe familjes së tij, padia mban numrin e aktit 9994
Padia është hedhur në short këtë të martë pranë dhomës civile në Gjykatën e Tiranës dhe është gjyqtarja Mimoza Kajo që do të vendosë nëse do të pranojë apo jo padinë e presidentit të republikës.
Nishani dhe Zhiti janë përfshirë në akuza të ndërsjella mes tyre pasi presidenti refuzoi të dekretojë Zhitin për postin e Ambasadorit pranë Selisë së Shenjtë në Vatikan.
Kjo është padia e dytë e depozituar në gjykatë nga Nishani ndaj një ish-funksionari të lartë të Partisë Demokratike pasi më parë në Gjykatën e Durrësit ai ka paditur dhe ish zv/kryeministrin demokrat, Bashkim Kopliku.
