Presidenti Ilir Meta nëpërmjet një statusi ne faqen e Facebook-ut ka reaguar në lidhje me mostrajtimin e të sëmurve nga ana e shtetit me bombola oksigjeni.Ai është shprehur se është e pafalshme që qytetarët të lihen në mëshirën e spekulantëve të tregut të zi, që sipas tij j’a u shesin me cmime disa herë të larta se sa aai real. Z.Meta ka bërë thirrje që të ndalet nje gjë e tille dhe të merren menjëherë masat e nevojshme për parandalimin e kësaj situate kriminale.
Reagimi i plotë:
“Mostrajtimi me oksigjen i të prekurve nga koronavirusi dhe lënia e tyre në mëshirën e spekulantëve të tregut të zi është e pafalshme.
Rëndimi i situatës shëndetësore të shumë të sëmurëve deri në kërcënim të jetës, i detyrohet mostrajtimit të tyre në kohë me oksigjen.
Për këtë është këmbëngulur, që trajtimi me oksigjen teknikisht të çertifikuar të kryhet nga mjeku i familjes dhe të mos pritet shtrimi në spital.
Edhe projektet ndërkombëtare të ndihmës anticovid kanë synuar pikërisht këtë: Trajtimin sa më parë nga shërbimi mjekësor parësor me oksigjeno-terapi të të sëmurëve.
Është e rrezikëshme dhe kriminale, të trajtohen të sëmurët me oksigjen të paçertifikuar dhe pajisje, që u shiten në treg të zi familjeve deri në 5 herë më shumë se vlera e tregut.
Të ndalet kjo kontrabandë e shëmtuar dhe e rrezikëshme për shëndetin publik.
Përgjegjësit para ligjit!
