Presidenti i Maqedonisë së Veriut Stevo Pendarovski ndodhet në Beograd për një vizitë me homologun e tij, Aleksandar Vucic. Para takimit ai komentoi në një intervistë për Politika raportin e dy vendeve. Ku ndër të tjera u shpreh:
“Serbia dhe Maqedonia e Veriut, si dy fqinje dhe shtete miqësore; pa konflikte dhe pa çështje të hapura, ndajnë të njëjtën histori. Si edhe të njëjtin qëllim strategjik, anëtarësimin në BE. Kështu ato kanë të njëjtin vizion për të ardhmen.”
Pendarovski tha se pret të ketë një bisedë pozitive me Vucic mbi shumë çështje me interes për të dy vendet. Në rrafshin politik, sigurinë dhe ekonomik.
“Serbia dhe Maqedonia janë shtete fqinje, ndaj është e rëndësishme për ne të kemi marrëdhënie bilaterale shumë të mira. Ndajmë të njëjtën histori, më parë kemi qenë edhe pjesë e të njëjtës federatë.
Marrëdhëniet midis Serbisë dhe Maqedonisë Veriore janë ndërtuar jo vetëm nga institucionet. Por edhe nga bizneset, si dhe nga lidhjet e shumta familjare midis qytetarëve të dy vendeve.”
Pendarovski: “Mini-Schengeni” të merret në konsideratë
Pjesë e vizitës së tij është edhe dhoma e tregtisë, për të treguar angazhim të dy vendeve. Mbi përpjekjet për forcimin e tregtisë dhe bashkëpunimit ekonomik.
Pendarovski tha se nisma “mini-Schengeni” nuk duhet të shihet si zëvendësim i anëtarësimit në institucionet evropiane.
“Unë gjithashtu mendoj se forma e iniciativës duhet të merret në konsideratë, Sepse struktura aktuale nuk përfshin të gjitha vendet që janë pjesë e Ballkanit Perëndimor. Në këtë drejtim, mund të ngrihet pyetja se sa funksionale do të ishte kjo iniciativë në praktikë, nëse do të kishte vetëm tre vende. Pasi përfshirja më e madhe e më shumë vendeve në rajon, ofron prosperitet më të mirë për të gjithë rajonin”, tha Pendarovski.
Presidenti maqedonas shton se, përkundër pikëpamjeve të ndryshme për anëtarësimin në NATO; Serbia dhe Maqedonia Veriore kanë një bashkëpunim të shkëlqyeshëm bilatarel.
“Si fqinjë, ne ndajmë një shqetësim të përbashkët për sigurinë dhe kemi shumë programe shkëmbimi dhe trajnimi. Ndaj edhe pse së shpejti ne do të bëhemi anëtare të NATO-s dhe Serbia ka vendosur ndryshe; unë besoj se do të vazhdojmë bashkëpunimin e mirë”.
“Macron i gatshëm të vizitojë Maqedoninë”
Pendarovski tha se gjatë një takimi të bërë së fundmi në Paris, Presidenti Francez Emmanuel Macron e siguroi atë që Franca do të dëshironte ta shihte Maqedoninë Veriore si pjesë të BE-së. Por gjithashtu shpjegoi qëndrimin e saj për reformimin e metodologjisë së negociatave. Ai shtoi se, Macron shprehu gatishmërinë për të vizituar Maqedoninë e Veriut në fillim të vitit 2020. Për t’i shpjeguar qytetarëve qëndrimet e tij, mbi përmirësimin e procesit të pranimit.
“Biseda me Macron ishte dinamike dhe ishte mundësia më e mirë për t’i prezantuar argumentet tona mbi anëtarësimin në BE. Duke nënvizuar që integrimi europian është qëllimi ynë strategjik dhe ne jemi gati për negociata.”
Presidenti maqedonas tha se tanimë Shkupit i ka mbetur të vazhdojë reformat. Dhe të presë për një metodologji të re për zhvillimin e negociatave para pranimit. Burimi: Al Jazeera Balkans Përshtati: Tirana Today
