Presidenti i Ukrainës ka bërë një deklaratë të fortë, ku ka thënë se Rusia kërkon që ta eliminojë.
Presidenti ukrainas, Volodymyr Zelenskyy, herët të premten tha se Rusia e ka caktuar atë “objektivin numër një” dhe familja e tij është numri dy në sulmin e saj të vazhdueshëm ndaj vendit.
Zelenskyy tha në një video se ai ndodhet në kryeqytet, Kiev, ndërsa familja e tij është zhvendosur në një vend të pazbuluar, raportoi BBC News.
Ai tha se Rusia dëshiron të “shkatërrojë Ukrainën politikisht, duke rrëzuar kreun e shtetit”.
“Unë po qëndroj në lagjen e qeverisë së bashku me të tjerët”, tha Zelenskyy.
“Armiku më ka caktuar mua si objektivin numër një dhe familjen time si objektivin numër dy”, shtoi ai, sipas BBC.
Sekretari amerikan i Shtetit, Antony Blinken, tha të enjten për ABC News se Rusia planifikonte të sulmonte kryeqytetin, duke thënë se ishte “i bindur” se Putin do të përpiqej të përmbyste qeverinë.
Por ai shtoi se ukrainasit do të rezistonin dhe në afat të afërt ose afatgjatë ai është “i bindur se demokracia dhe pavarësia e Ukrainës do të mbizotërojnë”.
Zelenskyy ka shpallur gjendjen ushtarake në vend. Ka urdhëruar një mobilizim ushtarak duke thirrur mijëra rezervistë dhe për të ndërprerë marrëdhëniet diplomatike me Rusinë.
Burimi i lajmit: Fox News. Përshtatur nga Tirana Today
