Largimi i Cristiano Ronaldos nga Real madridi drejt Juventusit vazhdon të komentohet gjatë në media dhe nga njerëz të futbollit. Këtë herë ka folur presidenti i La Ligas, Javier Tebas, i cili ka nxjerrë një arsye tjetër si kryesore për largimin e yllit portugez.
“Ronaldo u largua në Itali për arsye fiskale, për shkak të rregullave të reja, ai do të arkëtojë më shumë të ardhura sesa në Spanjë. Real Madrid e kishte shumë të vështirë të konkurronte me këtë fenomen, dhe ndonëse do të ketë patur edhe arsye të tjera, ky ishte një motiv madhor”.
Ndërsa një pjesë tjetër e opinionit beson se ai ishte i zhgënjyer nga sjellja që kishin drejtuesit madrilenë ndaj tij, prandaj nuk pranoi dhe rinovimin që iu ofrua në momentet e fundit. Ndërsa Ronaldo është shprehur se ai iu bashkua Juventusit pasi është një ekip i madh dhe kërkon të lëri gjurmë në historinë e ekipit.
