Presidenti i Kazakistanit siguroi të martën se vendi i tij do të mbrojë rusët që ikin në Kazakistan, për t’i shpëtuar mobilizimit të vazhdueshëm ushtarak në Rusi, për të dërguar përforcime për të luftuar në Ukrainë.
“Në ditët e fundit, shumë njerëz kanë ardhur tek ne nga Rusia. Shumica janë të detyruar të largohen për shkak të një situate të dëshpëruar”, tha Kassym-Jomart Tokayev.
“Ne duhet të kujdesemi për ta, të garantojmë sigurinë e tyre”, shtoi ky aleat i Moskës, i cili është distancuar nga Kremlini nga ofensiva ruse në Ukrainë.
Presidenti i Kazakistanit dënoi edhe një herë konfliktin në Ukrainë, dhe bëri thirrje që të respektohet integriteti territorial në një kohë kur Rusia po organizon të ashtëquajturat referendume në katër rajone të Ukrainës për t’i aneksuar ato.
“Integriteti territorial i një shteti duhet të jetë i patjetërsueshëm, është një parim themelor”, shtoi ai. “Një luftë e madhe po zhvillohet afër nesh. Ne duhet ta kujtojmë këtë, duke menduar mbi të gjitha për sigurinë tonë”, tha Tokayev.
Një aleat i Rusisë dhe në veçanti një anëtar i një bashkimi ekonomik dhe doganor, Kazakistani, një ish-republikë sovjetike e Azisë Qendrore, megjithatë ‘kultivon’ marrëdhënie të mira me Perëndimin dhe Kinën. Ofensiva e Moskës kundër Ukrainës ka ngritur frikën tek disa kazakë se ajo do të bëhet gjithashtu objektivi i ambicieve ruse, veçanërisht për shkak të kufirit të saj të gjatë me Rusinë dhe pakicës së saj të madhe etnike ruse. Në Kaukaz, në kufirin me Gjeorgjinë, autoritetet e rajonit rus të Osetisë së Veriut kanë pranuar një “situatë të tensionuar” në pikën e kontrollit Verkhni Lars.
Burimi i lajmit: La Repubblica. Përshtatur nga Tirana Today
