Presidenti francez Emmanuel Macron, nuk ka plane të forta për të bërë një vizitë në Ukrainë gjatë kohës së luftës, tha të hënën Pallati Elysee.
“Presidenti tha se do të vizitonte Ukrainën në momentin e duhur. Disa opsione janë duke u studiuar, asgjë nuk është fiksuar në këtë fazë”, tha Elysee.
Ndryshe nga disa liderë evropianë, Macron nuk e ka vizituar Ukrainën që nga fillimi i pushtimit rus më 24 shkurt. Presidenti francez, i cili aktualisht kryeson Këshillin e Bashkimit Evropian, ka thënë vazhdimisht se ai do të udhëtojë në Ukrainë kur të jetë “e dobishme”.
Macron vizitoi Kievin më 8 shkurt, si pjesë e përpjekjeve për të ulur tensionet rreth Ukrainës.
Burimi i lajmit: CNN. Përshtatur nga Tirana Today
