Sulmuesi i Real Madrid prej vitesh nuk grumbullohet në kombëtaren franceze edhe pse ai ka luajtur në nivele të larta dhe ka fituar tre Champions League në 3 vitet e vendit. Karim Benzema do të jetë i përjashtuar edhe nga Botërori i Rusisë, ku Didier Deschamp nuk ka preferuar të ketë në listën përfundimtare. Për këtë çështje së fundmi ka folur edhe Presidenti francez Emmanuel Macron, që tha se pavarësisht gjithçkaje, përgjegjës për listën e Përfaqësueses mbetet Didier Deschamps.
“Në fakt unë jam Presidenti i Francës dhe jo trajneri i Kombëtares franceze gjithsesi, mund të them se e dashuroj futbollin dhe në këtë kontekst edhe mund të jap opinionin tim, por në fund të ditës njeriu përgjegjës për përfaqësuesen tonë nuk është asnjë tjetër veç Didier Deschamps dhe unë i besoj gjykimit të tij. Situata për të cilën flasim nuk është se ndryshon kualitetin e Benzema tek Reali i Madridit, sepse të gjithë jemi dëshmitarë se prej vitesh shkëlqen në Spanjë dhe ka bërë performanca me nivel në Champions.
Sidoqoftë një ekip Kombëtar ka rregulla dhe trajneri e di se edhe një lojtar shumë i talentuar, nëse nuk bëhet pjesë e grupit mund ta shpërbëjë atë”, deklaroi Macron. Franca e nis Botërorin e Rusisë me sfidën ndaj Australisë ditën e shtunë, ndërsa edhe këtë herë është listuar mes pretendentëve për të ngritur lart këtë trofe.
