E mërkurë, 4 Gusht, 2021
24.5 C
Tirana

President nga diaspora? Dervishi, Ramës: Mor jahu, Kushtetuta s’është rrush

Kryeministri i shqiptarëve, nga Zvicra, tha se ekziston mundësia që Presidenti i Shqipërisë të jetë nga diaspora. Por, analisti i njohur Lutfi Dervishi i është përgjigjur Edi Ramës, me një status në Facebook, se Kushtetuta nuk është rrush.

Dervishi thotë se vetë hartuesit dhe miratuesit e Kushtetutës janë kujdesur që t’i pritet rruga një kandidati të tillë.

Analisti shton më tej se Kushtetuta është libër i shenjtë, që duhet respektuar, dhe jo tabela e parë e qitjes për pikë elektorale.

Postimi i plotë në fb

“President nga diaspora…?
– Këtë nuk e kam menduar, por faleminderit që më dhatë një ide. Nuk e përjashtoj asnjë mundësi. Kandidati mund të jetë edhe nga diaspora”.
Kjo është përgjigja e kryeministrit Rama në intervistën dhënë për gazetarin Enver Robelli.
Nuk është vetëm kryeministri që nuk e ka menduar ndonjëherë një kandidat për President nga diaspora.
Edhe hartuesit dhe miratuesit e kushtetutës janë kujdesur që t’i pritet rruga një kandidati nga diaspora.
Neni 86, pika dy, pothuajse e përjashton mundësinë e një kandidati nga diaspora.
“President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri dhe që ka mbushur moshën 40 vjeç”.
Pra, duhet të ketë lindur në Shqipëri. Të ketë patur durimin të jetojë së paku 10 vitet e fundit këtu dhe të ketë mbështetjen e më së paku 20 deputetëve, që do ta propozonin.
Kandidat nga Diaspora?
Po si, mor jahu! – do të thoshte një tirons me rronj e me degë.
Diasporën e duam për paratë që të investojë, e duam për lobim, e duam për dekor, e duam për… gjithçka, por kur vjen puna te pushteti, nuk kemi nevojë jo më për kandidatë, por as për mend. Kushtetuta është ligji themeltar i shtetit që na dëfton si duhet të qeverisim. Kushtetuta nuk është libër për t’u argëtuar dhe as vile rrushi që të mund t’i zgjedhësh kokrrat që të pëlqejnë.
Është libri i shenjtë, që duhet ruajtuar dhe respektuar, dhe jo tabela e parë e qitjes për pikë elektorale.

- Reklama -

Më shumë nga kategoria




Të fundit

Basha nuk është djalë si Mema…

Nga: Eduard Zaloshnja Dikur qarkullonte nje gojedhane per kengen e vjeter tiranase “Te kisha pas nje djale si Mema”. Edhe ne s’ishte e vertete, ishte...

Pagesat e deputetëve për qershorin, kryeson ish-zv. ministrja e PS-së

Ish-zëvendësministrja e Jashtme, e cila dy vitet e fundit mori mandatin e deputetes në Gjirokastër, rezulton të jetë deputetja më e paguar për muajin...

Të shtënat me ar*ë trondisin Suedinë, tre persona në gjendje të rëndë

Një sulm me armë në Suedi, ka sjellë plagosjen e tre personave të cilët raportohen se janë në gjendje të rëndë. Tre personat e...

Sa milionë dollarë i fali Dua Lipa Shqipërisë!

Nga: Dritan Hila Sorrento, Kapri, ishujt grekë do ishin ende skuta të panjohura të Mesdheut nëse drejtuesit e turizmit të këtyre vendeve nuk do kishin...

Nami me koka*nën në Shqipëri, aksion në Portin e Durrësit

Burime ende jo zyrtare flasin për kapjen e një tjetër sasie kokaine në Portin e Durrësit. Bëhet fjalë për afro 10 kilogramë kokaine, që...