Kreu i LIBRA-s ka ironizuar premtimin e Partisë Socialiste se në mandatin e ardhshëm do të hapë 200 mijë vende të reja pune.
Blushi shkruan në Facebook se Rilindja në katër vite punësoi vetëm 20 banditë në parlament dhe 20 të tjerë në Bashki.
Më poshtë reagimi i Blushit:
KONGRESI I PAPUNËSISË
Të shohësh se si premtojnë 220 mijë vende pune pasi premtuan 300 mijë në mandatin e parë dhe zbuan nga Shqipëria 300 mijë emigrantë të papunë, është për të qarë e për të qeshur. Në katër vjet, Vëllazëria e Vesit, apo ndryshe Rilindja punësoi vetëm 20 banditë në parlament dhe nja 20 të tjerë nëpër bashki. Të besosh se këta mund të punësojnë 220 mije shqiptarë është njëlloj si të besosh se pas katër vitesh do kenë futur në punë gjysmën e Maqedonisë, pasi shqiptarët e Shqipërisë do ja kenë mbathur nëse këta vijnë prapë në pushtet!
