Komisionar për Ekonomi i BE-së, Paolo Gentiloni është shprehur se do të propozojë hapjen graduale të kufijve të BE-së.
Kjo sipas tij, për t’i dhënë shtytje industrisë së turizmit, e cila është goditur rëndë nga pandemia e koronavirusit.
“Mesazh i yni është se ne do të kemi sezon turistik këtë verë, qoftë me kufizime apo me masa të sigurisë”, tha ai.
Në një intervistë për disa media evropiane, Gentilon deklaroi se industria e turizmit në Evropë përballet me një humbje prej 40% të aktivitetit të saj.
Kufijtë e shumë vendeve të Evropës janë mbyllur që prej muajit mars, për shkak të pandemisë së koronavirusit.
Ndërkohë Austria dhe Gjermania janë dy vendet e fundit të BE-së që janë pajtuar për heqjen e kufizimeve në udhëtim.
