Pas një periudhe të gjatë pauze nga kriza e pandemisë së koronavirusit, ‘Premier League’ do të rikthehet sërish më datë 17 qershor.
Por një kusht i pakundërshtueshëm do të jetë respektimi në detaj i protokollit sanitar të miratuar nga qeveria britanike.
“Daily Mail” raporton se shkelja e rregullave do të shoqërohet me gjoba të majme deri në 200 mijë paund. Gjithashtu shkelësit e rregullave mund të ndëshkohen edhe me zbritje pikësh në tabelën e klasifikimit.
As qeveria britanike e as Liga angleze nuk dëshirojnë që rregullat të thyen, ashtu siç ka ndodhur këtë periudhe me lojtarë si Kyle Waler, Jack Grealish apo Serge Aurier që nuk respektuan karantinën.
