Mbrëmjen e djeshme, Turqia u godit nga një tërmet i fortë me magnitudë 6.8 i shkallës rihter. Lëkundet e forta të tërmetit u ndjenë në provincën Elazig, dhe deri më tani raportohet për 20 viktima.
Ekipet e kërkim-shpëtimit nuk kanë ndalur punën prej ditës së djeshme, dhe deri më tani janë nxjerrë gjallë nga rrënojat 4 persona. Në foton e mëposhtme shfaqen momentet kur nxirret gjallë nga rrënojat një djalë i ri.
Mediat vendase raportojnë se pas tërmetit të fortë, u regjistruan edhe 78 lëkundje të tjera të vogla me magnitudë nga 2.4 deri në 5.4. Këto të fundit kanë shkaktuar shumë panik në popull.
