Pas 9 vitesh mjaft të lavdishme në “Santiago Bernabeu” Cristiano Ronaldo vendosi që të largohet nga Real Madridi drejt Juventusit. Por italianët duket se nuk kanë qenë zgjedhja e parë e yllit portugez, pasi ai ka menduar një rikthim aty ku shkëlqeu, te Manchester United.
Lëvizja e tij shkaktoi shumë bujë këtë verë, ai e kishte vendosur me kohë largimin nga Reali, por destinacioni ngelej enigmë. Drejtuesit e Manchester United dëshironin rikthimin e Ronaldos, por sipas asaj që shkruan e përditshmja “Mirror”, ka qenë Mourinho ai që ka bllokuar këtë transferim.
Sipas trajnerit portugez, nuk kishte kuptim që United të paguante 100 milionë euro për një 33 vjeçar, pavarësisht se kush është ai. Murinho kërkonte ti shpenzonte ato para për një mbrojtës, të cilin nuk e mori dot.
