Kryeprokurorja e përkohshme, Arta Marku pak më parë ka pasur një takim pune me kreun e Gjykatës së Lartë, Xhezahir Zaganjori, që sipas informacioneve paraprake, takimi ka qenë i fokusuar në kuadër të Reformës në Drejtësi.
Pjesë e këtij takimi raportohet të ketë qenë edhe praktika hetimore që ka ndjekur institucioni i akuzës, që sipas drejtueses së Prokurorisë do të marrë formën e standardizuar. Sakaq, bëhet me dije se Marku ka shprehur angazhimin e saj se do të kontribuojë që instittucioni9 që ajo drejton do të angazhohet plotësisht që të japë drejtësi për të gjithë shqiptarët.
Pritësi i takimit, kreu i Gjykatës së Lartë, Xhezahir Zaganjori është shprehur se do vazhdojë të mbështesë kryeprokuroren Marku në kuadër të reformave, ndërsa ka shprehur vullnetin që të dyja institucionet të bashkëpunojnë ngushtësisht në reforma.
