Ish-kreu i SHISH dha dje dorëheqjen në mënyrë të papritur, ndërsa në end të tij u emërua Helidon Bendo.
Detaje të reja janë zbardhur lidhur me dorëheqjen e Ajazit, i cili kishte plot 5 vite në krye të Shërbimit Informativ Shtetëror.
Mësohet se Visho ajazi kishte aplikuar për një detyrë në një strukturë të NATO-s para 4 muajsh, por nuk ka arritur të fitojë.
Ky post është fituar nga një shtetas italian, e rrjedhimisht s’mund të jetë arsye e fortë për t’u dorëhequr nga SHISH, institucioni më i rëndësishëm i inteligjencës në vend.
Lorenc Vangjeli publikoi dje lajmin e aplikimit në NATO të Ajazit, duke e konsideruar si shkak të dorëheqjes, ndërsa gazetari Artan Hoxha deklaroi dje në emisionin “Studio e Hapur” se ish-kreu i SHISH ka konkurruar pak muaj më parë për një pozicion në Bruksel dhe se kryeministri Edi Rama ishte në dijeni dhe dakordësi.
“Visho Ajazi e ka dhënë dorëheqjen pasi ai ka bërë një aplikim të ri për punë. Ai do të marrë një post shumë të rëndësishëm në nivel ndërkombëtar. Ai shkon si këshilltar sigurie i shefit të NATO-s”, tha gazetari Artan Hoxha.
