Kryedemokrati Lulzim Basha, nga qyetei i Elbasanit teksa ka kërkuar votën e shqiptarëve është shprehur se gjatë kohës që ai mbante fjalën e tij para demokratëve, ka marrë një lajm të mirë.
Sipas tij bëhet fjalë për një mesazh, që Basha ka marrë nga kreu i Partisë Popullore Evropiane, të cilin ai e ka lexuar para mbështetësve të PD-së në Elbasan.
Basha tha se PPE mbështet Partinë Demokratike, dhe thotë se programi i kësaj force politike është i vetmi që garanton zhvillimin e ekonomisë.
“PD është alternativa e vetme për zhvillimin e ekonomisë dhe me plan të detajuar për zhvillimin e vendit dhe për të investuar për të rinjtë, e jo vetëm. Është e rëndësishme që Shqipëria të vijojë me reformën në drejtësi, Vettingun, dhe luftën ndaj drogës dhe krimit të organizuar”, lexoi Basha nga mesazhi i PPE.
