Policia italiane ka bërë të mundur arrestimin e tre personave të cilët shpërndanin lëndë narkotike, të tre shqiptarë.
Gjithashtu bëhet me dije se trafikantet e kokainës vijnë në Itali falë lëvizjes së lirë 3 mujore, punojnë e ikin serish për t’u zëvendësuar nga të tjerë.
Policia njoftoi se ata shpërndanin drogën kryesisht ne jug. Ne pranga u vunë Admir (Aldo) Gjikhim, 48 vjeçe, Gentiana Shoshari, 30 vjeçe dhe Ilir Satka, 28 vjeç të cilët kishin mbërritur në Rivierë me një vizë turistike në fund të së cilës, ktheheshin në vendin e tyre.
Mediat italiane shkruajnë se e veçanta e trafikut ishte se klientët, kontaktonin një numër telefoni në Shqipëri dhe, nga jashtë, shpërndarësi zbatonte urdhrat në territorin e Riminit.
Grupi bashkëpunonte me vendas, ndërkohë që jetonin në apartamente me qira.
