Presidenti Ilir Meta deklaroi ditën e sotme se do të largohet nga politika në momentin që popullit shqiptar do t’i rikthehet e drejta për të vendosur me referendum për çështjet kombëtare.
Gjatë një konference për shtyp, Meta u shpreh se e drejta për referendum është mohuar qëllimisht nga politika.
“Ta zgjidhi populli shqiptar, ka gjë me transparente këtu. Duam t’i heqim presidentit kompetencat, patjetër e vendos populli. Ja kjo është shumë e thjeshtë, pse është kaq e vështirë. Duan njerëzit të shkatërrohet Vjosa? Të bëhet referendum. Për gjithçka që gjykohet. Është bllokuar qëllimisht që popullit të mos zgjedhë. Dialog s’ka, asgjë nuk ka.
Populli ka vetëm një detyrë: Të mos ikë nga sytë këmbët. Unë e shoh si sfidë. Sapo ta bëj, do të iki nga politika, nga Tirana. Do iki t’ju pres për rafting andej”, u shpreh kreu i shtetit.
Për Metën referendumi do t’i japë fund të gjitha çështjeve që kanë nxitur debat mes palëve politike, dhe sipas tij në fund do të jetë populli që do të thotë fjalën e tij.
