Vizita e ish-Sekretarit të Trump, ka trazuar ujërat brenda “Foltores” së drejtuar nga ish-kryeministri Sali Berisha, ku kanë shpërthyer në akuza ndaj tij.
Një ditë më parë, ish-sekretari Amerikan i Shtetit, Michael Pompeo, u nderua nga Universiteti i Tiranës me titullin “Honoris Causa”, për kontributin e dhënë në ruajtjen e paqes, ndërtimin e dialogut, garantimin e sigurisë dhe thellimin e marrëdhënieve diplomatike mes Amerikës dhe vendit tonë.
“Jam vërtet i nderuar që po marr titullin “Honoris Causa”, dhe jam vërtet falenderues. Doja të ndaja me ju tre ide. Idenë e parë doja ta ndaja me studentët e universitetit, pasi më pëlqen t’i pyes shpesh rreth suksesit, të bërit progres, të qenit ambicioz dhe se si t’i arrijnë gjërat që duan për vete dhe familjen e tyre. Por kam vetëm një ide qëndrore: Punoni fort!”, tha Pompeo.
Aktivistja Evi Kokalari ka komentuar vizitën e ish-Sekretarit Amerikan të Shtetit, Mike Pompeo, në kuadër të 100-vjetorit të marrëdhënieve SHBA-Shqipëri. Me anë të një postimi në rrjetet e saj sociale, Kokalari shkruan se Pompeo kishte marrë një shumë të majme për të ardhur në Shqipëri. Ajo sqaron më tej se kjo nuk është një vizitë zyrtare. Evi Kokalari thotë se z. Pompeo i është dërguar një shpjegim i detajuar i ngjarjeve politike të fundit në Shqipëri, dhe se nuk është këtu për të përkrahur axhendën politike të askujt.
Ja se çfarë shkruan Evi Kokalari
Disa gjëra qe duhet të keni parasysh nga vizita e Mike Pompeos ne Tiranë.
- Mike Pompeo është në Shqipëri në kapacitetin e një personi privat dhe kjo nuk është vizitë zyrtare.
- Mike Pompeo është në Tiranë për të dhënë një fjalim tek një komunitet jo Shqiptar, të cilën po e bën në këmbim të një shumë të majme parash, dhe nuk ka ardhur as për qeverinë e Ramës, as për opoziten falco me seli tek rruga Elbasanit, dhe as për 100 vjetorin e miqësisë midis Shqipërisë dhe Amerikës.
- Ardhja e tij është kordinuar me ambasadën siç bëhet zakonisht në këto raste dhe Ms. Kim ka organizuar disa evente për të, ku hyn dhe konferenca me grupin parlamentar sot, si dhe një çmim te organizuar nga UT dhe kjo me pagesë.
Mos bini preh e filmave që duan t’ju seshin në mbështetje të luftës kundër opozitës Shqiptare. Z. Pompeo i është dërguar një shpjegim i detajuar i ngjarjeve politike të fundit në Shqipëri dhe nuk është këtu për të përkrahur axhendën politike të askujt.
Për arsye sigurie, informacionet e tjera mund t’i shkruaj mbas largimit të tij nga Shqipëria.
Javë të mbarë të gjithëve.
