Një nga figurat më të larta të Partisë Demokratike, Genc Pollo më anë të një statusi në rrjetin social “Twitter” ka pranuar i pari nga radhët e kësaj partie humbjen në zgjedhjet e 25 qershorit.
Pollo shkruan se tashmë e rëndësishme është procesi i ngritjes së PD-së si një parti me përgjegjësi.
“Pas kësaj fillon procesi i ngritjes së PD si parti me përgjegjësi të madhe në vend. Asnjë rrethanë a mazhorancë nuk është e pandryshueshme“, shkruan Pollo.
Duket theksuar se Pollo ishte një nga mbështetësit e Bashës në Partinë Demokratike dhe nga ato që shkruan duket se nën zë pranon se ajo që u trumpetua si “lista fituese” rezulton humbëse.
