Policit i vunë pistoletën në kokë, Taulant Balla me ironi: Hiqe armën se është djalë i mirë

Nënkomisari Emiljano Nuhu ka treguar sot se, kreu i grupit parlamentar të PS-së deputeti Taulant Balla ka ardhur dhe e ka liruar nga Komisariati i Fushë Krujës djalin e deputetit Rrahman Rrahja, ndaj të cilit ishte prerë fletë arresti.
Nuhu ka treguar gjithashtu edhe se vëllai i deputetit i ka vënë pistoletën në kokë, ndërsa deputeti Taulant Balla i ka thënë me ironi: Hiqe pistoletën nga koka se oficeri është djalë i mirë dhe gjithçka që ka ndodhur do të mbesë këtu.
Nuhu ka treguar se kur ka mbërritur në komisariatin Nr.6 për të kallëzuar personat që e kanë kërcënuar me armë, kallëzimi i tij nuk është marrë parasysh.
Madje shefi i komisariatit i ka komunikuar se ka negociuar me personat në fjalë dhe nuk do e vrasin.
Nënkomisari tregoi se më pas i ka dërguar letër drejtorit të Përgjithshëm të Policisë së Shtetit dhe ministrit të Brendshëm, por ai nuk është marrë parasysh.
Nuhu tregoi se i kam dërguar edhe një letër drejtorit të Përgjithshëm të Policisë për transferimin pranë familjes, pasi të arrija ta mbroja vetë atë.