Në protestën që u zhvillua para Kuvendit janë lënduar 6 efektivë policie. Policia në një njoftimi për media deklaron se Gjatë protestës janë lënduar dhe kanë marrë ndihmë mjekësore 6 punonjës policie.
Punonjësit e policisë të lënduar janë; O.M, V.T dhe M.A, efektiv policie te Forca e Posaçme ‘Shqiponja’. Gjithashtu, N.K, E.X dhe D.B, efektivë policie të Komisariatit të Policisë nr 1, nga të cilët dy prej tyre femra.
Ndërkohë në njoftimin e policisë nuk flitet për qytetar të lënduar, ndryshe nga sa u publikua drejtpërdrejtë në media.
Policia e Shtetit në bashkëpunim me Prokurorinë e Rrethit Gjyqësor Tiranë po vijon verifikimet për identifikimin e gjithë personave, të cilët kanë ushtruar dhunë gjatë protestës.
