Policia tashmë ka nisur të merret edhe me ndërtim! Ky është ironizimi që deputeti demokrat Luçiano Boçi me anë të një postimi në Facebook.
Deputeti ka publikuar një foto të një makine me targa të policisë që transporton zhavorr.
“Makina e rëndë në foto e video që s’ka lidhje me policinë, mban targa policie. Duket si barcaletë me polica por është e vërtetë. Transporton prej kohësh zhavor, inerte siç duket në aksin TEG-Tr. Se ç’lidhje ka policia me transport inertesh këtë vetëm A. Veliu mund të na e thojë”, shkruan ndër të tjera deputeti i PD në postimin e tij.
Postimi i plotë i Boçit:
POLICIA QË BËN TRANSPORT…
Ndodh edhe kjo!!!
Meqenëse policinë e kemi shumë nikoqire, ajo kujdeset për të gjitha e nuk le gjë prej gjëje t’i kalojë nën hundë….
E nuhat lekun.
Tipar vigjilence ky!
Merret me “prerje” hashashi.
Mbron krimin nga qytetarët.
Godet fëmijë e gra.
Tani çuditshëm po merret me ndërtim…
Makina e rëndë në foto e video që s’ka lidhje me policinë, mban targa policie.
Duket si barcaletë me polica por është e vërtetë.
Transporton prej kohësh zhavor, inerte siç duket në aksin TEG-Tr.
Se ç’lidhje ka policia me transport inertesh këtë vetëm A. Veliu mund të na e thojë.
Do Zoti transporton vetëm inerte se ku i dihet???!!!
Prit tani kur të shohim ndonjë maune me targa policie…me “miell”!!!
