Policia e Shkodrës në bashkëpunim me Forcat e Posaçme “Shqiponja” dhe FNSH kanë ndërmarrë një aksion blic për kapjen e personave të shpallur në kërkim, ndërsa në pranga ka rënë një person.Policia njofton se Fatjon Boshnjaku, 35 vjeç, banues në lagjen “Qemal Stafa” u kap me një pistoletë.
Po ashtu mësohet se gjatë kontrolleve në lokalet e natës nga FNSH dhe policia lokale u shoqëruan për verifikim 10 persona. Arrestimi i Boshnjakut u bë pasi nga shërbimet e policisë gjatë kontrollit të ushtruar në mjetin e këtij shtetasi, në një çantë dore iu gjet dhe u sekuestrua në cilësinë e provës materiale një armë zjarri tip Glock, me krehër dhe fishekë.
Materialet iu referuan Prokurorisë së Rrethit Gjyqësor Shkodër për veprën penale “Mbajtja pa leje dhe prodhimi i armëve, armëve shpërthyese dhe i municionit”.
