https://www.facebook.com/tiranatodaycom/videos/362908870820523/
Policia italiane në deklaratën për media pas kapjes së dy tonëve marijuanë e cila vinte nga Shqipëria, në një operacion ku u arrestua një 19-vjeçar shqiptar dhe u arratisën tre të tjerë, thotë se mafia shqiptare është e vetmja e aftë për të lëvizur tonelata droge që vjen në nga Shqipëria por dhe brenda Italisë. Ajo gjithashtu deklaron se mafia shqiptare ka korruptuar banikierët italianë, punëtorë dhe njerëz të besuar për të zhvilluar aktivitetin e tyre kriminal.
Kjo mafie ka lidhur kontakte me persona që kanë njohuri dhe informacione për lëvizjet në det dhe në tokë. Shqiptarët përdorin gomone dhe varka të vogla për të transportuar hashashin, transmeton La Nuovo Ferrara.
Ekspertët e policisë italiane thonë së marijuana që vjen Shqipëria është e cilësisë më të lartë dhe shume e preferuar në treg.
Ferrara nga karabinierët italian është cilësuar si një qytet kryesor i transitit të drogës në qytetet e tjera të vendit. Nga këto dy ton drogë të arrestuara policia njofton se ka arritur të zbulojë rrugët dhe mënyrat se si transportohet dhe shpërndahet droga në Itali. Ata janë të bindur se po të ndiqen gjurmët e identifikuara mund të gjejnë sasi të tjera marramendëse që qarkullojnë në Itali.
