Policia greke ka arrestuar një 32-vjeçare e cila u kap me 36 kg e 260 gr marijuanë. Ajo e kishte vendosur drogën në automjetin e saj, kur u pikas nga policia në kufirin greko-shqiptar, pranë Igumenicës.
Kështu, policia ka ndjekur shqiptaren, e më pas e ka arrestuar atë pasi gjeti lëndën narkotike brenda në mjet.
Ndërkohë është shpallur në kërkim edhe një tjetër shqiptarë që dyshohet të jetë bashkëpunëtori i 32-vjeçares.
Në cilësi të prova materiale policia sekuestroi edhe një peshore, 50 euro si edhe një celular, ndërkohë po punohet për zbardhjen e plotë të ngjarjes.
