Një burrë është akuzuar se ka komplotuar për vrasjen e presidentit Emmanuel Macron në Ditën e Bastille gjatë vizitës së presidentit amerikan Donald Trump në Francë, tha zëdhënësja e zyrës së prokurorit të Parisit, raporton CNN.
Hetuesit thanë se i dyshuari planifikoi të sulmonte Makron më 14 korrik, gjatë një paradite në Champs-Elysees në Paris, ku Presidenti Trump do të jetë mysafir nderi.
I dyshuari 23-vjeçar u arrestua të mërkurën në periferi të Argenteuil në veriperëndim të Parisit me shërbime anti-terroriste dhe u akuzua për “veprimtari individuale terroriste” të shtunën.
Mediat franceze thonë se personi i arrestuar e quan veten një nacionalist të djathtë, i cili i kishte pohuar policisë se donte të jepte një mesazh politik duke vrarë Makronin. Ai sipas dokumenteve të policisë tha se donte të sulmonte, “zezakët, arabët, hebrenjtë dhe homoseksualët“.
Forcat e sigurisë u alarmuan sepse i dyshuari në një faqe video lojë kishte shkruar se donte të blinte një armë të tipit Kallashnikov për të kryer një sulm.
I dyshuari ka edhe precedentë të mëparshëm kriminalë, pasi vitin e kaluar është dënuar për mbështetje të terrorizmit, pasi lavdëroi vrasjet masive të norvegjezit, Anders Breivik.
Vitin e kaluar, 86 vetë u vranë gjatë një sulmi me kamion gjatë festimeve të Ditës së Bastille në Nisë të Francës.
