Autoritetet në Mal të zi, kanë konfirmuar se trupi i pajetë i gjetur mbrëmjen e djeshme në Ulqin, i përket ish-shefit të antidrogës, Rudolf Elevoziç.
Ngjarja e rëndë iu raportua prokurorit të shtetit në Prokurorinë e Lartë të Shtetit në Podgoricë, i cili urdhëroi që trupi të dërgohej për autopsi për të përcaktuar shkakun e vdekjes, shkruan CDM.
“Autopsia u krye dhe zbulimi drejtohet nga Zyra e Prokurorit të Lartë të Shtetit në Podgoricë”, informoi policia. Shkaku i vdekjes do të përcaktohet nga autopsia, por që aktualisht, gjithçka tregon për vetëvrasje.
Elezoviç u raportua i zhdukur nga gruaja e tij. Ai ka shërbyer si shef i policisë së Ulqinit për gati gjashtë vjet, deri në vitin 2014, kur u zëvendësua nga Sead Djozovic. Më parë ai ka mbajtur poste të tjera të larta në policinë e Malit të Zi. Rudolf Elezoviç humbi kontaktet me familjen e tij më 27 maj të këtij, në mes të kufirit ujor të Shqipërisë me Malin e Zi në afërsi të Pentarit dhe Reçit në lumin Buna.
