Pas kontrolleve në Shkodër e Elbasan, Berati është qyteti i radhës ku ka zbarkuar policia. Ndonëse jo në listën e zezë të qyteteve me kriminalitet të lartë, policia po zhvillon aksione në qytetin e Beratit.
Policia ka intensifikuar kontrollet në goditje të individëve, apo grupeve kriminale.
“Sektorët e rendit dhe policisë rrugore kanë zhvilluar sot kontrolle të detajuara në shume akse te qytetit, ku ne fokus janë vënë mjetet me xhama te zeza, ku janë kontrolluar fizikisht drejtuesit, mjetet dhe dokumentacionet e tyre.
Aksione janë zhvilluar në vendin e quajtur “Kthesa e Poshnjes”, “Kombinat”, “Uznove”. Aksionet vijojnë ende, ndërkohë qe policia e Beratit do të jap së shpejti rezultatet e tij”, përfundon njoftimi.