Ish-shefi i Shtabit të Përgjithshëm të FA-ve, Xhemal Gjunkshi shprehet se policia nuk është e aftë, pasi, sipas tij vetëm në shtatë muaj numërohen 11 viktima, autorët e të cilëve enden të lirë.
Në një postim në ‘Facebook’, ish-deputeti i PD-së, shkruan se policia është shndërruar në një ‘agjenci funeralesh’ që arreston protestues, ndërsa kriminelët dhe autorët e vrasjeve lëvizin të lirë nëpër lokalet e Tiranës.
Më tej, Gjunkshi thekson se qytetarët ndihen të rrezikuar dhe të pa shpresë
Postimi i plotë:
Policia e kapterr Lleshit, si agjenci funerale !
Mëngjesi zbardh me tritol , darka ngryset nën breshëritë e kallashit…!
Ku po shkon Shqipëria ?!
Ku është policia ?
Cili është roli i policisë ?
A duhet që policia të mbrojë jetën dhe pronën e qytetarëve ?
A duhet që policia të parandalojë ngjarjet kriminale apo të qëndrojë si “notere” e mafias dhe vrasësve me pagesë… !
Sot policia e kapterr Lleshit është kthyer në agjenci funerale , që vetëm vendos shenja vend ngjarjesh , dhe nuk ndjek autorët.
Vetëm në 7 muaj janë 11 viktima dhe asnjë autor prapa hekurave , atëherë policia , në mos qoftë e përdorur nga mafia dhe grupet kriminale , është totalisht e pa aftë .
Vlora në duart e krimit dhe të bandave të drogës , Fieri në duart e bandave të drogës , Elbasani nën tutelën e bandave të krimit të organizuar dhe narkotrafikantëve të lidhur me Qazimin, në Tiranë vrasje mafioze si në Palermo, droga të forta dhe njerëz të lidhur me qeverinë , Durrësi nën këmbët e bandës së Gjushit e Niçes , Kruja nën tutelën e bandave më të rrezikshme të Ballkanit të lidhura me pushtetin, Lezha e Shkodra si në WILD WEST , Bulqiza nën dhunën e bandave të kromit , Dibra në ditët më të zeza, ku drejtojnë rrugaçët , zyrat janë mbushur injorantë nën urdhrat e krimit të organizuar.
Kudo krim , vrasje , tritol , terror , pasiguri … !
Qytetarët në panik , dhe pa asnjë shpresë .
Policia si agjenci funerale , arreston protestues ndërsa kriminelët dhe autorët e vrasjeve gjezdisin lokeleve luksoze të Tiranës .
Kjo është narko/policia e kapterr Lleshit , në shërbim të kupolës kriminale të qeverisë së Rilindjes .
Qeveria e ardhur nga krimi me votat e krimit , pjell vetëm krim !
