Pas protestës, Policia e Shtetit ka kryer disa aksione ‘blic’ gjatë natës për të arrestuar ato persona, të cilët dyshohen se kanë kryer akte të dhunshme.
Policia ka kryer kontrolle në banesat e disa shtetasve, dhe ka shoqëruar në polici 20 persona, duke e çuar numrin e të shoqëruarve në 40, pas shoqërimeve të kryera dje. Uniformat blu kanë kryer shoqërime në disa qytete të vendit si Fier, Lezhë dhe Durrës.
Mbrëmjen e kaluar policia shoqëroi 20 protestues, disa prej të cilëve u arrestuan me akuzën për dhunimin e ambienteve publike. Nga kamerat e sigurisë, disa prej të shoqëruarve kanë rezultuar të jenë pikërisht personat që kanë kryer akte dhune gjatë protestës.
