Një polic i Kakavijës është përplasur nga një makinë, e ndërsa raportohet se është në gjendje të rëndë. Burimet e para thonë se një punonjës i Policisë Kufitare të Kakavijës është aksidentuar sot rreth orës 05:30 të mëngjesit.
Shkëlqim Lile, me detyrë polic në Drejtorinë Kufitare, ka qënë duke u kthyer nga shërbimi, në momentin kur është goditur nga një automjet në vijën e gjelbër të kufirit, në urën e fshatit Kakavijë, fare pranë Greqisë.
Personi që shkaktoi aksidentin është Arjan Kushe. I aksidentuari është transportuar me urgjencë drejt spitalit, ndërsa bluzat e bardha thonë se ai është në ‘luftë’ me jetën.
