Lista Serbe pas një takimi sot në Zveçan njoftoi vendimin për t’u larguar nga të gjitha institucionet politike në Kosovë. Pas këtij vendimi, një reagim i menjëhershëm ka ardhur nga Presidenca e Kosovës.
Blerim Vela, shefi i kabinetit të presidentes Vjosa Osmani, shprehet se Serbia po i detyron dhe nxit serbët e Kosovës që të braktisin punën e tyre në institucionet e Kosovës.
“Serbia po i detyron dhe nxit serbët e Kosovës që të braktisin punën e tyre në institucionet e Kosovës.
Ky akt i ngjan nxitjes së Rusisë në Donbas në vitin 2014. Ajo gjithashtu tregon se Lista Serbe është ‘gllabëruar ‘ dhe trajtohet si një mjet për të destabilizuar Kosovën nga regjimi i Vuçiçit”, shkruan Vela.
