Paul Pogba është duke kaluar një periudhë relaksuese në këto momente teksa para ndërprerjes së futbollit për shkak të koronavirusit, ishte në hapat e fundit të rikuperimit nga një dëmtim. Tashmë, francezi pritet që të jetë plotësisht i gatshëm në momentit kur ekipet të zbresin sërish në fushë.
Ndërkohë, së fundmi mesfushori ka zbuluar edhe ato figura që kanë ndikuar në rritjen e tij si futbollist. Francezi liston emrat e gjashtë ish-futbollistëve të cilët i ka pasur si poster në dhomën e tij, ndërsa nuk mund të mungonte Zinedine Zidane. “Kisha poster në dhomën time të Ronaldinho, Ronaldo, Zidane, Henry, Cisse dhe Kaka”, u shpreh Pogba.
Ndërkohë, e ardhmja e 27-vjeçarit është në ajër, duke qenë se kërkon të largohet nga Manchester United teksa ka oferta nga Real Madrid, aty ku gjendet idhulli i tij Zidane, por në mes është edhe Juventus, klubi që i dha mundësinë për të shfaqur talentin e tij.
