U duk se tek Manchester Unite kishte kaluar kriza, por ka mjaftuar një barazim përballë Wolves që gjithçka të tensionohet. Fillimisht ishte trajneri Jose Mourinho që kritikoi lojtarët e tij se nuk u impenjuan maksimalisht në këtë sfidë dhe tha se ata kishin treguar vetëm 30% të potencialit që zotëronin.
Barazoi në sy të Alex Ferguson, Mourinho akuzon lojtarët
Në momentin që United u ndëshkua ishte një gafë e Paul Pogba në mesfushë, i cili humbi një top që shumë lehtë mund ta kishte pasuar. Për këtë trajneri portugez është shprehur se është e vështirë ta pranosh atë që ndodhi, duke e cilësuar francezin si fajtor. Kaq ka mjaftuar që të rindizet sërish një debat i vjetër mes Pogba dhe Mourinho.
“Ishim në shtëpi dhe duhej të luanim më mirë, veçanërisht duhej të luanim në sulm, – ka thënë Pogba. – Kjo është e vetmja gjë që duhet të bëjmë kur luajmë në Old Trafford, të sulmojmë vazhdimisht. Në këtë mënyrë do të bënim më të lumtur tifozët dhe do të kishim më shumë mundësi për të fituar, siç kemi bërë vitin e kaluar kundër Tottenham, Arsenal, Chelsea e Liverpool”.
I pyetur nga gazetarët për arsyen pse skuadra nuk ka luajtur në këtë mënyrë, Pogba ka thënë: “Nuk mund të flas për këtë, nuk jam trajneri, por duhet të kemi më shumë alternativa. Tani duhet të ndërrojmë marsh, në shtëpi marrim shumë pak pikë dhe vendet e para janë shumë larg”.
